நீங்கள் தேடியது "தென் ஆப்பிரிக்கா இந்தியா தொடர்"

ஜோகன்னஸ்பர்க்:

தென்ஆப்பிரிக்காவில் சுற்றுப்பயணம் மேற்கொண்டுள்ள சூர்யகுமார் யாதவ் தலைமையிலான இந்திய கிரிக்கெட் அணி 4 போட்டிகள் கொண்ட 20 ஓவர் தொடரில் பங்கேற்றுள்ளது. இதில் முதலாவது மற்றும் 3-வது ஆட்டத்தில் இந்தியாவும், 2-வது ஆட்டத்தில் தென்ஆப்பிரிக்காவும் வெற்றி பெற்றன. இதனால் தொடரில் 2-1 என்ற கணக்கில் இந்தியா முன்னிலை வகிக்கிறது.

இந்த நிலையில் இவ்விரு அணிகள் இடையிலான 4-வது மற்றும் கடைசி 20 ஓவர் கிரிக்கெட் போட்டி ஜோகன்னஸ்பர்க்கில் உள்ள வான்ரர்ஸ் ஸ்டேடியத்தில் இன்று (வெள்ளிக்கிழமை) நடக்கிறது.

இந்திய அணியில் முதல் ஆட்டத்தில் சதம் அடித்த விக்கெட் கீப்பர் சஞ்சு சாம்சன் அடுத்த இரு ஆட்டங்களில் 'டக்-அவுட்' ஆனார். முந்தைய மோதலில் திலக் வர்மாவின் சதமும், அபிஷேக் ஷர்மாவின் அரைசதமும் வெற்றிக்கு உதவின. கேப்டன் சூர்யகுமார் யாதவின் பேட்டிங் தான் பெரிய அளவில் இல்லை. அவரும் ரன்குவித்தால் அணி மேலும் வலுவடையும். பந்து வீச்சில் அர்ஷ்தீப்சிங், வருண் சக்ரவர்த்தி, ரவி பிஷ்னோய் கைகொடுக்கிறார்கள். இதே உத்வேகத்துடன் ஆடி தொடரை கைப்பற்ற நமது வீரர்கள் ஆர்வமாக உள்ளனர். இந்த ஆண்டில் இந்திய அணி ஆடும் கடைசி சர்வதேச 20 ஓவர் போட்டி இது என்பதால் வெற்றியோடு முடிப்பார்களா? என்பதை பொறுத்திருந்து பார்க்கலாம்.

தென்ஆப்பிரிக்க அணி உள்நாட்டில் தொடரை இழக்காமல் இருக்க கடுமையாக போராடும். கடந்த ஆட்டத்தில் 220 ரன் இலக்கை நோக்கி ஆடிய தென்ஆப்பிரிக்கா நெருங்கி வந்து 11 ரன் வித்தியாசத்தில் தோற்றது. அந்த அணியில் தொடக்க ஜோடியின் செயல்பாடு மெச்சும்படி இல்லை. மிடில் வரிசையில் மில்லரும் ஜொலிக்கவில்லை. எனவே ஒருங்கிணைந்து ஆடினால் சரிவில் இருந்து எழுச்சி பெறலாம்.

போட்டி நடக்கும் ஜோகன்னஸ்பர்க்கில் இந்திய அணி இதுவரை 6 ஆட்டங்களில் ஆடி 4-ல் வெற்றியும், 2-ல் தோல்வியும் கண்டுள்ளது. கடைசியாக கடந்த ஆண்டு டிசம்பரில் இங்கு நடந்த ஆட்டத்தில் இந்திய அணி சூர்யகுமாரின் சதத்துடன் 201 ரன்கள் குவித்து, தென்ஆப்பிரிக்காவை 95 ரன்னில் மடக்கியது நினைவிருக்கலாம்.

போட்டிக்கான இரு அணிகளின் உத்தேச பட்டியல் வருமாறு:-

இந்தியா: சஞ்சு சாம்சன், அபிஷேக் ஷர்மா, சூர்யகுமார் யாதவ் (கேப்டன்), திலக் வர்மா, ஹர்திக் பாண்ட்யா, ரிங்கு சிங், ரமன்தீப்சிங், அக்ஷர் பட்டேல், அர்ஷ்தீப்சிங், வருண் சக்ரவர்த்தி, ரவி பிஷ்னோய்.

தென்ஆப்பிரிக்கா: ரையான் ரிக்கெல்டன், ரீஜா ஹென்ரிக்ஸ், மார்க்ரம் (கேப்டன்), டிரிஸ்டான் ஸ்டப்ஸ், ஹென்ரிச் கிளாசென், டேவிட் மில்லர், மார்கோ யான்சென், ஜெரால்டு கோட்ஜீ அல்லது இன்கபா பீட்டர், அன்டில் சிம்லேன், கேஷவ் மகராஜ், லுதோ சிபம்லா.

இந்திய நேரப்படி இரவு 8.30 மணிக்கு தொடங்கும் இந்த ஆட்டத்தை ஸ்போர்ட்ஸ்18 சேனல் நேரடி ஒளிபரப்பு செய்கிறது. மழையால் ஆட்டம் பாதிக்கப்பட சிறிய அளவில் வாய்ப்புள்ளது.

செஞ்சுரியன்:

இந்திய அணி, தென் ஆப்பிரிக்காவில் சுற்றுப்பயணம் செய்து 4 போட்டிகள் கொண்ட டி20 தொடரில் விளையாடி வருகிறாது. முதல் போட்டியில் இந்திய அணியும் 2-வது போட்டியில் தென் ஆப்பிரிக்காவும் வெற்றி பெற்றது. இதனையடுத்து இரு அணிகளுக்கும் இடையேயேன 3-வது டி20 போட்டி நேற்று நடைபெற்றது.

இதில் இந்திய அணி 11 ரன்கள் வித்தியாசத்தில் வெற்றி பெற்றது. இதன்மூலம் 4 போட்டிகள் கொண்ட தொடரில் 2-1 என்ற கணக்கில் இந்தியா முன்னிலையில் உள்ளது.

தென் ஆப்பிரிக்காவுக்கு எதிரான முதல் போட்டியில் இந்திய அணியின் புதிய தொடக்க வீரராக களமிறங்கிய சஞ்சு சாம்சன் அதிரடியாக சதம் அடித்து அசத்தினார்.

இந்நிலையில் டோனி, ரோகித், விராட் கோலி ஆகியோர் என் மகனின் 10 ஆண்டுகால கிரிக்கெட் வாழ்க்கையை சீரழித்து விட்டதாக சஞ்சு சாம்சனின் தந்தை குற்றம்சாட்டியுள்ளார்.

இது குறித்து அவர் கூறியதாவது:-

என் மகனின் 10 ஆண்டுகால வாழ்க்கையை 3 கேப்டன்களான டோனி, கோலி, ரோகித் மற்றும் பயிற்சியாளர் டிராவிட் சீரழித்தனர். இந்த நெருக்கடியிலும் சஞ்சு வலுவாக வெளிவந்துள்ளது மகிழ்ச்சி. கம்பீர் மற்றும் சூர்யகுமார் யாதவுக்கும் நன்றி தெரிவிக்க விரும்புகிறேன். இவர்கள் மட்டும் இப்போது வரவில்லையென்றால், முன்பை போலவே சஞ்சுவை நீக்கியிருப்பார்கள்.

இவ்வாறு சஞ்சு சாம்சனின் தந்தை கூறினார்.

செஞ்சூரியன்:

சூர்யகுமார் யாதவ் தலைமையிலான இந்திய கிரிக்கெட் அணி தென்ஆப்பிரிக்காவில் சுற்றுப்பயணம் மேற்கொண்டு 4 போட்டிகள் கொண்ட 20 ஓவர் தொடரில் விளையாடி வருகிறது. டர்பனில் நடந்த தொடக்க ஆட்டத்தில் இந்தியா 61 ரன்கள் வித்தியாசத்திலும், கெபேஹாவில் நடந்த 2-வது ஆட்டத்தில் தென்ஆப்பிரிக்கா 3 விக்கெட் வித்தியாசத்திலும் வெற்றி பெற்றன. இதனால் தொடர் 1-1 என்ற கணக்கில் சமநிலையை எட்டியுள்ளது.

இந்த நிலையில் இந்தியா- தென்ஆப்பிரிக்கா இடையலான 3-வது 20 ஓவர் போட்டி செஞ்சூரியனில் உள்ள சூப்பர்ஸ்போர்ட் பார்க் ஸ்டேடியத்தில் இன்று நடக்கிறது.

முதல் ஆட்டத்தில் சஞ்சு சாம்சனின் அதிரடி சதத்தால் 202 ரன்கள் குவித்து எளிதில் வெற்றியை வசப்படுத்திய இந்திய அணி 2-வது ஆட்டத்தில் வேகமும் பவுன்சும் கூடிய ஆடுகளத்தில் தடுமாறியது. 20 ஓவர்களில் 6 விக்கெட்டுக்கு 124 ரன்னில் அடங்கியது. இந்த குறைவான இலக்கை கொண்டும் எதிரணிக்கு இந்தியா கடும் குடைச்சல் கொடுத்தது. குறிப்பாக சுழற்பந்து வீச்சாளர் வருண் சக்ரவர்த்தி 5 விக்கெட் வீழ்த்தி அசத்தினார். ஆனால் கடைசி கட்டத்தில் தென்ஆப்பிரிக்காவின் டிரிஸ்டான் ஸ்டப்ஸ் (47 ரன்) நிலைத்து நின்று ஆடி தங்கள் அணியை 19-வது ஓவரில் கரைசேர்த்தார்.

தற்போதைய ஆட்டம் நடக்கும் செஞ்சூரியன் ஆடுகளத்திலும் 'வேகம்' கைகொடுக்கும். ஆனால் பேட்ஸ்மேன்கள் துல்லியமாக கணித்து ஆடினால் ரன்வேட்டை நடத்தலாம். இரு ஆட்டத்திலும் (7 மற்றும் 4 ரன்) சொதப்பிய தொடக்க ஆட்டக்காரர் அபிஷேக் ஷர்மா பார்முக்கு திரும்ப வேண்டிய நெருக்கடியில் உள்ளார். பந்து வீச்சில் சுழற்பந்து வீச்சாளர் அக்ஷர் பட்டேல் நடப்பு தொடரில் இதுவரை 2 ஓவர் மட்டுமே பந்து வீசியிருக்கிறார். இதனால் இன்றைய ஆட்டத்தில் அவருக்கு பதிலாக யாஷ் தயாள் சேர்க்கப்பட வாய்ப்புள்ளது.

தென்ஆப்பிரிக்க அணியினர் முந்தைய ஆட்டத்தில் கிடைத்த வெற்றியால் கூடுதல் நம்பிக்கையுடன் களம் இறங்குவார்கள். அந்த அணியில் அபாயகரமான பேட்ஸ்மேன்கள் டேவிட் மில்லர், ஹென்ரிச் கிளாசென் மற்றும் மார்க்ரமிடம் இருந்து இன்னும் அதிரடி வெளிப்படவில்லை. அவர்கள் மிரட்டினால் தென்ஆப்பிரிக்காவின் பேட்டிங் வலுவடையும். கடைசியாக கடந்த ஆண்டு மார்ச் மாதம் இங்கு நடந்த வெஸ்ட் இண்டீசுக்கு எதிரான 20 ஓவர் ஆட்டத்தில் தென்ஆப்பிரிக்கா 259 ரன் இலக்கை விரட்டிப்பிடித்து புதிய வரலாறு படைத்தது. இந்த முறையும் உள்ளூர் சூழலை சாதகமாக பயன்படுத்திக்கொள்ளும் முனைப்புடன் யுக்திகளை வகுத்துள்ளனர்.

இந்திய அணி இங்கு 2018-ம் ஆண்டு ஒரே ஒரு ஆட்டத்தில் ஆடி இருக்கிறது. அதில் இந்தியா 6 விக்கெட் வித்தியாசத்தில் தோற்று இருந்தது.

மொத்தத்தில் இன்றைய ஆட்டத்தில் வெற்றி காணும் அணிக்கே தொடரை வெல்லும் வாய்ப்பு உருவாகும் என்பதால் இரு அணியினரும் வரிந்து கட்டி நிற்பார்கள் என்பதில் சந்தேகமில்லை.

போட்டிக்கான இரு அணிகளின் உத்தேச பட்டியல் வருமாறு:-

இந்தியா: அபிஷேக் ஷர்மா, சஞ்சு சாம்சன், சூர்யகுமார் யாதவ் (கேப்டன்), திலக் வர்மா, ஹர்திக் பாண்ட்யா, ரிங்கு சிங், அக்ஷர் பட்டேல் அல்லது யாஷ் தயாள், அர்ஷ்தீப்சிங், ஆவேஷ்கான், வருண் சக்ரவர்த்தி, ரவி பிஷ்னோய்.

தென்ஆப்பிரிக்கா: ரையான் ரிக்கெல்டன், ரீஜா ஹென்ரிக்ஸ், மார்க்ரம் (கேப்டன்), டிரிஸ்டான் ஸ்டப்ஸ், மார்கோ யான்சென், ஹென்ரிச் கிளாசென், டேவிட் மில்லர், அன்டில் சிம்லேன் அல்லது லுதோ சிபம்லா, ஜெரால்டு கோட்ஜீ, கேஷவ் மகராஜ், இன்கபா பீட்டர்.

இந்திய நேரப்படி இரவு 8.30 மணிக்கு தொடங்கும் இந்த ஆட்டத்தை ஸ்போர்ட்ஸ்18 சேனல் நேரடி ஒளிபரப்பு செய்கிறது.

கெபேஹா:

தென் ஆப்பிரிக்காவில் சுற்றுப்பயணம் மேற்கொண்டுள்ள இந்திய கிரிக்கெட் அணி 4 போட்டிகள் கொண்ட டி 20 தொடரில் விளையாடி வருகிறது.

முதல் டி20 போட்டியில் இந்திய அணி 61 ரன் வித்தியாசத்தில் வீழ்த்தி தொடரில் 1-0 என்ற கணக்கில் முன்னிலை வகிக்கிறது.

இந்நிலையில், இரு அணிகளுக்கு இடையிலான 2-வது டி20 போட்டி கெபேஹாவில் உள்ள செயிண்ட் ஜார்ஜ் பார்க் மைதானத்தில் இன்று நடைபெற்றது. டாஸ் வென்ற தென் ஆப்பிரிக்கா பந்துவீச்சை தேர்வு செய்தது.

அதன்படி முதலில் ஆடிய இந்திய அணி 20 ஓவரில் 6 விக்கெட்டுக்கு 124 ரன்கள் எடுத்தது. ஹர்திக் பாண்ட்யா 39 ரன்கள் எடுத்தார்.

இதையடுத்து, 125 ரன்கள் எடுத்தால் வெற்றி என்ற இலக்குடன் களமிறங்கியது. சீரான இடைவெளியில் விக்கெட்கள் வீழ்ந்தன.

அந்த அணியின் ஸ்டப்ஸ் போராடி அணியை வெற்றி பெறச் செய்தார்.

இறுதியில், தென் ஆப்பிரிக்கா 19 ஓவரில் 7 விக்கெட்டுக்கு 128 ரன்கள் எடுத்து வென்றது. இதன்மூலம் 3 விக்கெட் வித்தியாசத்தில் வெற்றி பெற்ற தென் ஆப்பிரிக்கா டி20 தொடரை 1-1 என சமன் செய்தது.

இந்தியாவின் வருண் சக்கரவர்த்தி சிறப்பாக பந்து வீசி 5 விக்கெட் வீழ்த்தினார்.

2-வது டி20 போட்டி: தென் ஆப்பிரிக்கா அணிக்கு 125 ரன்கள் இலக்கு நிர்ணயித்த இந்தியா

தென் ஆப்பிரிக்காவில் சுற்றுப்பயணம் மேற்கொண்டுள்ள இந்திய கிரிக்கெட் அணி 4 போட்டிகள் கொண்ட 20 ஓவர் தொடரில் விளையாடி வருகிறது. இதில் டர்பனில் நேற்று முன்தினம் நடந்த முதலாவது ஆட்டத்தில் இந்திய அணி 61 ரன் வித்தியாசத்தில் தென் ஆப்பிரிக்காவை வீழ்த்தி தொடரில் 1-0 என்ற கணக்கில் முன்னிலை வகிக்கிறது.

இந்நிலையில் இந்தியா-தென் ஆப்பிரிக்கா அணிகள் மோதும் 2-வது 20 ஓவர் கிரிக்கெட் போட்டி கெபேஹாவில் உள்ள செயிண்ட் ஜார்ஜ் பார்க் மைதானத்தில் இன்று நடைபெற்று வருகிறது.

இப்போட்டியில் டாஸ் வென்ற தென் ஆப்பிரிக்கா கேப்டன் மார்க்ரம் பந்துவீச்சை தேர்வு செய்தார். அதன்படி முதலில் களமிறங்கிய இந்திய அணி தென் ஆப்பிரிக்காவின் பந்துவீச்சை சமாளிக்க முடியாமல் அடுத்தடுத்து விக்கெட்டுகளை பறிகொடுத்து தடுமாறியது. அந்த சமயத்தில் களமிறங்கிய ஹர்திக் பாண்ட்யா நிதானமாக விளையாடி 39 ரன்களை அடித்தார். இதனால் இந்திய அணி 20 ஓவர்கள் முடிவில் 6 விக்கெட் இழப்பிற்கு 124 ரன்கள் அடித்தது.

தென்ஆப்பிரிக்காவில் சுற்றுப்பயணம் மேற்கொண்டுள்ள இந்திய கிரிக்கெட் அணி 4 போட்டிகள் கொண்ட 20 ஓவர் தொடரில் விளையாடி வருகிறது. இதில் டர்பனில் நேற்று முன்தினம் நடந்த முதலாவது ஆட்டத்தில் இந்திய அணி 61 ரன் வித்தியாசத்தில் தென்ஆப்பிரிக்காவை வீழ்த்தி தொடரில் 1-0 என்ற கணக்கில் முன்னிலை வகிக்கிறது.

இந்நிலையில் இந்தியா-தென்ஆப்பிரிக்கா அணிகள் மோதும் 2-வது 20 ஓவர் கிரிக்கெட் போட்டி கெபேஹாவில் உள்ள செயிண்ட் ஜார்ஜ் பார்க் மைதானத்தில் இன்று நடைபெறுகிறது.

இப்போட்டியில் டாஸ் வென்ற தென்னாபிரிக்கா கேப்டன் மார்க்ரம் பந்துவீச்சை தேர்வு செய்தார். அதன்படி முதலில் இந்திய அணி பேட்டிங் செய்யவுள்ளது.

கெபேஹா:

தென்ஆப்பிரிக்காவில் சுற்றுப்பயணம் மேற்கொண்டுள்ள இந்திய கிரிக்கெட் அணி 4 போட்டிகள் கொண்ட 20 ஓவர் தொடரில் விளையாடி வருகிறது. இதில் டர்பனில் நேற்று முன்தினம் நடந்த முதலாவது ஆட்டத்தில் இந்திய அணி 61 ரன் வித்தியாசத்தில் தென்ஆப்பிரிக்காவை வீழ்த்தி தொடரில் 1-0 என்ற கணக்கில் முன்னிலை வகிக்கிறது. இந்த நிலையில் இந்தியா-தென்ஆப்பிரிக்கா அணிகள் மோதும் 2-வது 20 ஓவர் கிரிக்கெட் போட்டி கெபேஹாவில் உள்ள செயிண்ட் ஜார்ஜ் பார்க் மைதானத்தில் இன்று (ஞாயிற்றுக்கிழமை) நடக்கிறது.

தொடக்க ஆட்டத்தில் சஞ்சு சாம்சனின் அதிரடி சதத்தால் (107 ரன், 50 பந்து, 7 பவுண்டரி, 10 சிக்சர்) இந்தியா 202 ரன்கள் குவித்தது. திலக் வர்மா, கேப்டன் சூர்யகுமார் யாதவ் ஆகியோரும் நல்ல பங்களிப்பை அளித்தனர். அதிரடி ஆட்டக்காரர் அபிஷேக் ஷர்மா, ஹர்திக் பாண்ட்யா, ரிங்கு சிங் பேட்டிங் எதிர்பார்ப்புக்கு ஏற்ப அமையவில்லை. பந்து வீச்சில் அசத்திய இந்திய அணியினர் தென்ஆப்பிரிக்காவை 17.5 ஓவர்களில் 141 ரன்னில் அடக்கி வெற்றியை வசப்படுத்தினர். வருண் சக்ரவர்த்தி, ரவி பிஷ்னோய், ஆவேஷ் கான், அர்ஷ்தீப் சிங் பந்து வீச்சில் கலக்கினர்.

கடைசியாக தனது 11 சர்வதேச 20 ஓவர்களில் தொடர்ச்சியாக வெற்றியை குவித்துள்ள இந்திய அணி தனது ஆதிக்கத்தையும், உத்வேகத்தையும் தொடரும் ஆவலுடன் உள்ளது.

தென்ஆப்பிரிக்க அணியை பொறுத்தமட்டில் கடந்த ஆட்டத்தில் அதிரடி ஆட்டக்காரர்களான ஹென்ரிச் கிளாசென், டிரிஸ்டான் ஸ்டப்ஸ், டேவிட் மில்லர் மற்றும் கேப்டன் மார்க்ரம் பேட்டிங்கில் சொதப்பியது சறுக்கலை சந்திக்க காரணமாக அமைந்தது. அத்துடன் பந்து வீச்சில் ஜெரால்டு கோட்ஜீ தவிர மற்றவர்கள் பெரிய அளவில் சோபிக்கவில்லை. எனவே அந்த அணி பேட்டிங் மற்றும் பந்து வீச்சில் ஏற்றம் காண வேண்டியது அவசியமானதாகும்.

தனது வெற்றியை தொடர இந்திய அணி முழு முனைப்பு காட்டும். அதேநேரத்தில் தோல்வியில் இருந்து மீண்டு பதிலடி கொடுக்க தென்ஆப்பிரிக்க அணி எல்லா வகையிலும் போராடும். எனவே இந்த ஆட்டத்தில் விறுவிறுப்புக்கு குறைவு இருக்காது.

சர்வதேச 20 ஓவர் கிரிக்கெட்டில் இவ்விரு அணிகளும் இதுவரை 28 முறை நேருக்கு நேர் மோதி இருக்கின்றன. இதில் 16-ல் இந்தியாவும், 11-ல் தென்ஆப்பிரிக்காவும் வெற்றி பெற்றுள்ளன. ஒரு ஆட்டம் முடிவு இல்லாமல் போனது.

செயிண்ட் ஜார்ஜ் மைதானத்தை பொறுத்தவரை மொத்தம் 4 சர்வதேச 20 ஓவர் போட்டிகள் நடந்துள்ளன. இதில் தென்ஆப்பிரிக்கா மூன்றில் வெற்றியையும், ஒன்றில் தோல்வியையும் சந்தித்துள்ளது. வேகப்பந்து வீச்சுக்கு அனுகூலமான இங்கு ஒரே ஒரு 20 ஓவர் போட்டியில் (2023-ம் ஆண்டு) மட்டும் களம் கண்டுள்ள இந்திய அணி மழையால் பாதித்த அந்த ஆட்டத்தில் 5 விக்கெட் வித்தியாசத்தில் தென் ஆப்பிரிக்காவிடம் பணிந்தது. அந்த ஆட்டத்தில் இந்தியா 7 விக்கெட்டுக்கு 180 ரன்கள் எடுத்ததே இந்த மைதானத்தில் ஒரு அணியின் அதிகபட்ச ஸ்கோராகும். 2012-ம் ஆண்டு தென்ஆப்பிரிக்காவுக்கு எதிராக நியூசிலாந்து 146 ரன்கள் எடுத்ததே குறைந்தபட்சமாகும்.

போட்டிக்கான இரு அணிகளின் உத்தேச பட்டியல் வருமாறு:

இந்தியா: சஞ்சு சாம்சன், அபிஷேக் ஷர்மா, சூர்யகுமார் யாதவ் (கேப்டன்), திலக் வர்மா, ஹர்திக் பாண்ட்யா, ரிங்கு சிங், அக்ஷர் பட்டேல் அல்லது ரமன்தீப் சிங், அர்ஷ்தீப் சிங், ரவி பிஷ்னோய், ஆவேஷ் கான், வருண் சக்ரவர்த்தி.

தென்ஆப்பிரிக்கா: மார்க்ரம் (கேப்டன்), ரியான் ரிக்கெல்டன், டிரிஸ்டான் ஸ்டப்ஸ், ஹென்ரிச் கிளாசென், டேவிட் மில்லர், பேட்ரிக் குருகர், மார்கோ யான்சென், அன்டில் சிம்லேன், ஜெரால்டு கோட்ஜீ, கேஷவ் மகராஜ், நபயோம்ஜி பீட்டர் அல்லது ஒட்னில் பார்ட்மேன்.

இந்திய நேரப்படி இரவு 7.30 மணிக்கு தொடங்கும் இந்த ஆட்டத்தை ஸ்போர்ட்ஸ் 18 சேனல் நேரடி ஒளிபரப்பு செய்கிறது. ஜியோ சினிமா செயலியிலும் பார்க்கலாம்.

தென்ஆப்பிரிக்காவில் சுற்றுப்பயணம் மேற்கொண்டுள்ள இந்திய அணி நான்கு போட்டிகள் கொண்ட டி20 தொடரில் விளையாடுகிறது. இந்த தொடரின் முதல் டி20 போட்டி டர்பனில் உள்ள கிங்ஸ்மீட் ஸ்டேடியத்தில் நடக்கிறது. இந்தப் போட்டியில் டாஸ் வென்ற தென் ஆப்பிரிக்கா அணி பந்துவீச முடிவு செய்தது.

இந்த தொடர் ஏற்கனவே திட்டமிட்டது அல்ல. சமீபத்தில் இரு நாட்டு கிரிக்கெட் வாரியங்கள் பேச்சுவார்த்தை நடத்தி இந்த போட்டிக்கு ஏற்பாடு செய்தன. சமீபத்தில் சொந்த மண்ணில் நடந்த நியூசிலாந்துக்கு எதிரான டெஸ்ட் தொடரை இந்தியா 0-3 என்ற கணக்கில் முழுமையாக இழந்தது.

எனினும், அந்த தொடரில் ஆடிய வீரர்கள் யாரும் இந்த தொடரில் விளையாடவில்லை. இதனால் அதன் தாக்கம் பெரிய அளவில் இருக்காது. இந்த தொடரில் இந்திய கேப்டன் சூர்யகுமார் யாதவ், ஹர்திக் பாண்ட்யா, அக்ஷர் பட்டேல், சஞ்சு சாம்சன், அர்ஷ்தீப்சிங் போன்ற அனுபவ வீரர்கள் அணிக்கு நம்பிக்கை அளிக்கிறார்கள்.

தென்ஆப்பிரிக்காவில் சுற்றுப்பயணம் மேற்கொண்டுள்ள சூர்யகுமார் யாதவ் தலைமையிலான இந்திய கிரிக்கெட் அணி 4 போட்டிகள் கொண்ட டி20 தொடரில் விளையாடுகிறது.

இந்த கிரிக்கெட் தொடர் ஏற்கனவே திட்டமிட்டது அல்ல. சமீபத்தில் இவ்விரு நாட்டு கிரிக்கெட் வாரியங்கள் பேச்சுவார்த்தை நடத்தி இந்த போட்டிக்கு ஏற்பாடு செய்துள்ளன. டர்பன் (நவ.8), கெபேஹா (நவ.10), செஞ்சூரியன் (நவ.13), ஜோகன்னஸ்பர்க் (நவ.15) ஆகிய இடங்களில் நடத்தப்படுகிறது.

இதன்படி இந்தியா- தென்ஆப்பிரிக்கா இடையிலான முதலாவது 20 ஓவர் போட்டி டர்பனில் உள்ள கிங்ஸ்மீட் ஸ்டேடியத்தில் இன்று (வெள்ளிக்கிழமை) நடக்கிறது.

உலகக் கோப்பையையும் சேர்த்து கடைசி ஐந்து 20 ஓவர் தொடர்களில் கோப்பையை வென்றுள்ள இந்திய அணி அந்த ஆதிக்கத்தை நீட்டிக்க முனைப்பு காட்டுகிறது. சமீபத்தில் சொந்த மண்ணில் நடந்த நியூசிலாந்துக்கு எதிரான டெஸ்ட் தொடரை இந்தியா 0-3 என்ற கணக்கில் முழுமையாக இழந்த போதிலும், அந்த தொடரில் ஆடிய வீரர்கள் யாரும் 20 ஓவர் போட்டிக்கு வரவில்லை. அதனால் அதன் தாக்கம் பெரிய அளவில் இருக்காது. கேப்டன் சூர்யகுமார் யாதவ், ஹர்திக் பாண்ட்யா, அக்ஷர் பட்டேல், சஞ்சு சாம்சன், அர்ஷ்தீப்சிங் போன்ற அனுபவ வீரர்கள் அணிக்கு நம்பிக்கை அளிக்கிறார்கள்.

அதிரடி இடக்கை பேட்ஸ்மேன் அபிஷேக் ஷர்மா கடந்த ஜூலை மாதம் ஜிம்பாப்வேக்கு எதிரான ஆட்டத்தில் 47 பந்தில் சதம் விளாசினார். அதன் பிறகு ஆடிய தனது கடைசி 6 சர்வதேச இன்னிங்சில் 20 ரன்னை கூட தொடவில்லை. மீண்டும் பார்முக்கு திரும்ப இந்த தொடரை அவர் பயன்படுத்திக் கொள்ள முயற்சிப்பார். அவரும், சஞ்சு சாம்சனும் தொடக்க ஆட்டக்காரர்களாக இறங்குவார்கள். மிடில் வரிசையில் சூர்யகுமார், ஹர்திக் பாண்ட்யா, திலக் வர்மா, ரிங்கு சிங் வலு சேர்க்கிறார்கள். பந்து வீச்சில் அர்ஷ்தீப்சிங், ஆவேஷ்கான், அக்ஷர் பட்டேல், வருண் சக்ரவர்த்தி கட்டுக்கோப்பாக பந்து வீசினால் தொடரை வெற்றியோடு தொடங்கலாம்.

எய்டன் மார்க்ரம் தலைமையிலான தென்ஆப்பிரிக்கா உள்நாட்டில் வலுவானது. ஹென்ரிச் கிளாசென், டேவிட் மில்லர், ரீஜா ஹென்ரிக்ஸ் போன்ற அதிரடி சூரர்கள் இருக்கிறார்கள். கடந்த ஜூன் மாதம் நடந்த 20 ஓவர் உலகக் கோப்பை இறுதி ஆட்டத்தில் இந்தியாவிடம் 7 ரன் வித்தியாசத்தில் அடைந்த தோல்விக்கு பழிதீர்ப்பதை எதிர்நோக்கி இருப்பார்கள். அத்துடன் ஐ.பி.எல். ஏலத்தில் பதிவு செய்துள்ள வீரர்கள் இந்த தொடரில் அசத்தினால் அவர்களது 'மதிப்பு' ஏலத்தில் எகிற வாய்ப்பு உண்டு. அந்த வகையிலும் வீரர்களுக்கு இந்த போட்டி முக்கியத்துவம் பெற்றுள்ளது.

சர்வதேச 20 ஓவர் கிரிக்கெட்டில் இவ்விரு அணிகள் இதுவரை 27 ஆட்டங்களில் நேருக்கு நேர் மோதியுள்ளன. இதில் 15-ல் இந்தியாவும், 11-ல் தென்ஆப்பரிக்காவும் வெற்றி பெற்றுள்ளன. ஒரு ஆட்டத்தில் முடிவில்லை.

மைதானத்தை பொறுத்தவரை டர்பன் இந்தியாவுக்கு ராசியானது. இங்கு ஆடியுள்ள 4 ஆட்டங்களிலும் (பாகிஸ்தான், இங்கிலாந்து, தென்ஆப்பிரிக்கா, ஆஸ்திரேலியாவுக்கு எதிராக) இந்தியா வெற்றி கண்டுள்ளது.

ஆஸ்திரேலிய அணி கடந்த ஆண்டு இங்கு நடந்த தென்ஆப்பிரிக்காவுக்கு எதிரான ஆட்டத்தில் 6 விக்கெட்டுக்கு 226 ரன்கள் குவித்தது இந்த மைதானத்தில் ஒரு அணியின் அதிகபட்சமாகும். 2007-ம் ஆண்டில் நியூசிலாந்துக்கு எதிராக கென்யா 73 ரன்னில் சுருண்டது குறைந்தபட்சமாகும். 2007-ம் ஆண்டு 20 ஓவர் உலகக் கோப்பை தொடரில், இங்கிலாந்துக்கு எதிராக இந்தியாவின் யுவராஜ்சிங் ஒரே ஓவரில் 6 சிக்சர் நொறுக்கியது இந்த மைதானத்தின் தனிச்சிறப்பாகும்.

போட்டிக்கான இரு அணிகளின் உத்தேச பட்டியல் வருமாறு:-

இந்தியா: அபிஷேக் ஷர்மா, சஞ்சு சாம்சன், சூர்யகுமார் யாதவ் (கேப்டன்), திலக் வர்மா, ஹர்திக் பாண்ட்யா, ரிங்கு சிங், ரமன்தீப்சிங், அக்ஷர் பட்டேல், வருண் சக்ரவர்த்தி, அர்ஷ்தீப்சிங், ஆவேஷ்கான்.

தென்ஆப்பிரிக்கா: ரீஜா ஹென்ரிக்ஸ், ரியான் ரிக்கெல்டன், மார்க்ரம் (கேப்டன்), டேவிட் மில்லர், ஹென்ரிச் கிளாசென், டிரிஸ்டான் ஸ்டப்ஸ், மார்கோ யான்சென் அல்லது ஜெரால்டு கோட்ஜீ, கேஷவ் மகராஜ், ஒட்னில் பார்ட்மன், பேட்ரிக் குருகர், அன்டில் சிம்லேன் அல்லது இன்கபா பீட்டர்.

இந்திய நேரப்படி இரவு 8.30 மணிக்கு தொடங்கும் இந்த ஆட்டத்தை ஸ்போர்ட்ஸ்18 சேனல் நேரடி ஒளிபரப்பு செய்கிறது. ஜியோ சினிமா செயலியிலும் பார்க்கலாம்.

இந்த ஆட்டத்தின் போது மழை குறுக்கிடலாம். அங்கு இன்று மழை பெய்வதற்கு 40 சதவீதம் வாய்ப்பு இருப்பதாக வானிலை ஆய்வு மையம் கூறியுள்ளது.

புதுடெல்லி:

இந்திய அணி தென் ஆப்பிரிக்காவில் சுற்றுப்பயணம் செய்து 4 போட்டிகள் கொண்ட டி20 தொடரில் விளையாடுகிறது. இரு அணிகளுக்கு இடையிலான முதல் டி20 போட்டி நவம்பர் 8-ம் தேதி டர்பனில் தொடங்க உள்ளது.

இந்நிலையில், தென் ஆப்பிரிக்கா தொடருக்கான இந்திய அணியை பிசிசிஐ அறிவித்துள்ளது. காயம் காரணமாக மயங்க் யாதவ், ஷிவம் துபே மற்றும் ரியான் பராக் ஆகியோர் அணியில் இடம் பெறவில்லை.

தென் ஆப்பிரிக்க தொடருக்கான இந்திய அணியின் விபரம்:

சூர்யகுமார் யாதவ் (கேப்டன்), அபிஷேக் சர்மா, சஞ்சு சாம்சன் (விக்கெட் கீப்பர்), ரிங்கு சிங், திலக் வர்மா, ஜிதேஷ் சர்மா(விக்கெட் கீப்பர், ஹர்திக் பாண்ட்யா, அக்சர் படேல், ரமன் தீப் சிங், வருண் சக்கரவர்த்தி, ரவி பிஷ்னோய், அர்ஷ்தீப் சிங், விஜய்குமார் வைசாக், ஆவேஷ் கான், யாஷ் தயாள்.

கேப்டவுன்:

இந்தியா- தென் ஆப்பிரிக்கா அணிகளுக்கு இடையிலான 2-வது டெஸ்ட் போட்டி கேப்டவுன் நியூலேன்ட்ஸ் மைதானத்தில் ஜனவரி 3-ந் தேதி தொடங்கியது. டாஸ் வென்ற தென் ஆப்பிரிக்கா பேட்டிங் தேர்வு செய்தது.

அதன்படி முதலில் ஆடிய தென் ஆப்பிரிக்கா முதல் இன்னிங்சில் 23.2 ஓவரில் 55 ரன்களுக்கு ஆல் அவுட்டானது. தொடர்ந்து ஆடிய இந்திய அணி முதல் இன்னிங்சில் 34.5 ஓவரில் 153 ரன்களுக்கு ஆல் அவுட்டானது. 98 ரன்கள் பின்தங்கிய நிலையில் 2-வது இன்னிங்சில் களமிறங்கிய தென் ஆப்பிரிக்கா அணி 36.5 ஓவரில் 176 ரன்களுக்கு ஆல் அவுட்டானது.

இதையடுத்து, 79 ரன்கள் எடுத்தால் வெற்றி என்ற இலக்குடன் இந்திய அணி களமிறங்கியது. 2-வது இன்னிங்சில் 12 ஓவரில் 3 விக்கெட் இழப்புக்கு 80 ரன்கள் எடுத்து வெற்றி பெற்றது. இந்த டெஸ்ட் போட்டி 2 நாட்கள் முழுவதும் முடியும் முன்னரே முடிவடைந்தது.

147 ஆண்டுகால டெஸ்ட் கிரிக்கெட் வரலாற்றில் மிக குறைந்த ஓவர்களில் இந்தியா, தென் ஆப்பிரிக்கா இடையிலான 2-வது டெஸ்ட் முடிந்துள்ளது. இந்தப் போட்டியில் இரு இன்னிங்சிலும் சேர்த்து மொத்தம் 107 ஓவர்களே வீசப்பட்டது. மொத்தமாக 33 விக்கெட்டுகள் வீழ்ந்தது.

இந்த பிட்ச் குறித்து பல்வேறு சர்ச்சைகள் எழுந்த நிலையில் தென் ஆப்பிரிக்கா -இந்தியா மோதிய 2-வது டெஸ்ட் போட்டி நடந்த மைதான பிட்ச் திருப்தியற்றது என ஐசிசி நிர்ணயம் செய்துள்ளது. ஐசிசி-யின் பிட்ச் மற்றும் அவுட் பீல்ட் கண்காணிப்பு செயல்முறைகளின் கீழ் இந்த முடிவு எடுக்கப்பட்டுள்ளது. 

துபாய்:

இந்திய அணி தென் ஆப்பிரிக்காவில் சுற்றுப்பயணம் செய்து விளையாடியது. முதலில் நடைபெற்ற டி20 தொடர் 1-1 என சமனில் முடிந்தது. அடுத்து நடந்த ஒருநாள் தொடரில் இந்தியா 2-1 என வெற்றி பெற்றது.

இதற்கிடையே, முதல் டெஸ்டில் தோல்வி அடைந்த இந்திய அணி தாமதமாக பந்து வீசியதால் 2 புள்ளிகளை இழந்து 6-வது இடத்துக்கு தள்ளப்பட்டது.

இந்நிலையில், தென் ஆப்பிரிக்காவுக்கு எதிரான கேப் டவுன் டெஸ்டில் வரலாற்று வெற்றி பெற்றதன் மூலம் இந்திய அணி உலக டெஸ்ட் சாம்பியன்ஷிப் புள்ளிப் பட்டியலில் மீண்டும் முதலிடம் பிடித்தது.

உலக டெஸ்ட் சாம்பியன்ஷிப் தொடரில் இந்தியா இதுவரை 4 போட்டிகளில் விளையாடி, 2-ல் வெற்றியும், ஒன்றில் தோல்வியும் அடைந்தது. மற்றொன்று டிரா ஆனது. இதன்மூலம் 26 புள்ளிகள் பெற்று 54.16 சதவீதத்துடன் முதலிடம் பெற்றது.

இரண்டாவது டெஸ்டில் தோல்வி அடைந்த தென் ஆப்பிரிக்கா 2 டெஸ்டில் ஒரு வெற்றி, ஒரு தோல்வியுடன் 12 புள்ளிகளுடன் 50 சதவீதத்துடன் இரண்டாவது இடத்திற்கு தள்ளப்பட்டது.

நியூசிலாந்து 2 டெஸ்ட் போட்டிகளில் விளையாடி ஒன்றில் வெற்றியும், மற்றொரு போட்டியில் தோல்வியும் அடைந்து 12 புள்ளிகள் மற்றும் 50 சதவீதத்துடன் மூன்றாவது இடம் பிடித்தது.

ஆஸ்திரேலியா 4-வது இடத்திலும், வங்காளதேசம் 5-வது இடத்திலும் உள்ளது. பாகிஸ்தான், வெஸ்ட் இண்டீஸ், இங்கிலாந்து, இலங்கை அணிகள் அடுத்தடுத்த இடங்களில் உள்ளன.